اعلنت انها ستلعب لصالح قطر : رازي الڨنزوعي يفجر مفاجأة حول الملاكمة الشابة

تعليقا على تصريح الملاكمة المغمورة التي قالت انها ستتخلى عن تونس و تلعب لفائدة قطر كتب الاعلامي الرياضي رازي القنزوعي :

الملاكمة إلّي تكلمت اليوم و عملت فيديو قالت إلّي هي باش تولي تلعب مع قطر و تتخلى على تونس ولّي خذاوها تتكلم في الإذاعات باش تقوللنا علاش خذات القرار هذا…

نتحدى إلّي يسألو فيها ولّي عداوها إنهم يعرفوها وإلا سمعو بيها وإلا يتذكرولها روندة لعبتها!!!!ياخي أي واحد يتكلم يلقى روحو في وسائل الإعلام باش يقول إلّي يحب و يتهم و يفتي ؟؟؟؟هي قالت تلوج على شكون يصرف عليها؟؟؟كي سألت عليها قالولي ما عندهاش علاقة بجامعة الملاكمة منذ 3 سنوات و لعبت قبل ذلك في تاريخها 3 مقابلات في 3 سنين بصفتها الشخصية و المدير الفني متاع الجامعة قال منذ 3 سنوات ما تنجمش تكون ملاكمة لا متاع نخبة لا متاع منتخب وزيد على ذلك عندها ملف طبي يقول أنها ما تنجمش تلعب الملاكمة أو أي رياضة أخرى..

قطر في بالي ما يتبناو كان الأبطال ولي أثبتوا جدارتهم وإلا ياخذو شبان متألقين و يكونوهم في مراكزهم الي هوما من طراز عالمي كيما aspire …

أنشر هذا المقال
أترك تعليق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *